پرائیویٹ انسٹی ٹیوشن ریگولیٹری اتھارٹی "پیر ا" نے نجی سکول کھولے جانے کی صورت میں کورونا وائرس سے بچاؤ کے لئے ایس اوپیز جاری کردیئے۔
پرائیویٹ انسٹی ٹیوشن ریگولیٹری اتھارٹی کی جانب سے نوٹیفکیشن کے مطابق اسلام آباد کے نجی تعلیمی اداروں کی جانب سے تعلیمی ادارے کھولنے کی تیاریاں کی جار ہی  تو اس موقع پر بین الصوبائی وزرائے تعلیم کانفرنس کے فیصلوں پر عملدر آمد ضروری ہے جس کی این سی اوسی نے بھی توثیق کی ہے ۔ نوٹیفکیشن میں اسلام آباد میں چلنے والے تعلیمی اداروں سے کہاہے کہ وہ پہلے ہی احتیاطی تدابیر کی روشنی میں تدریسی سرگرمیوں کے لئے انتظامات کریں اور ایس اوپیز پر عملدر آمد یقینی بنائیں تاکہ کورونا وائرس کے پھیلاؤ سے بچا جاسکے۔ نوٹیفکیشن میں کہاگیاہے کہ ان رہنما اصولوں پرمعیار کے مطابق عملدرآمد یقینی بنایا جائے اور اس پر ہرگز کوئی سمجھوتہ نہ کیاجائے ۔ پیر اکی جانب سے جاری نوٹیفکیشن میں کہاگیاکہ ممکنہ طور پر سکول15 ستمبر2020 سے کھل رہے ہیں تو اس لئے تمام نجی تعلیمی اداروں کی انتظامیہ کو ہدایت کی جاتی کہ وہ مناسب انتظامات کے تحت سکول کھولیں اور حکومت کے حتمی فیصلے کے بغیر کوئی !کیمپس نہیں کھولا جاسکے گا۔